داستان

میں نا لِکھ سکا بڑی دیر تک
نا حروفِ لب نا دعا دل
سبھی التجائیں خاموش تھیں
کسی حادثے کے گُداز میں

میرے گُزرے لمحے عجیب ہیں
کہ میں آفتابِ خیال ہوں
کیا بُلند ہیں میرے حوصلے
میری داستاں کے آغاز میں

مُجھے مفلسی سے گلہ نہیں
مُجھے زور و زر کی طلب نہیں
میرا واسطہ ہے سُکون سے
میرا رابطہ ہے نماز میں

جو صحیح کیا تو صلہ مِلا
جو خطا ہوئی تو سزا ہوئی
یہ ہی فیصلہ ہے نصیب کا
یہ ہی فلسفہ ہے جواز میں

میں ندائے حُبِ قدیم ہوں
میں صدائے وقتِ جدید ہوں
میں رہا ہوں صدیوں سے مُضطرب
یوں حقیقتوں میں مجاز میں

میں رہوں بھلے  بھلے نا رہوں
یہ کلام ٹھہرے گا عمر بھر
مُجھے یہ مِلی ہیں وراثتیں
مُجھے وہ مِلا ہے نیاز میں

میں ہوں سفرِ زیست میں عہبر
نا رُکوں گا وقتِ طویل تر
کہ میرے خدا کی ہے جُستجو
میرے قلم میری آواز میں