دل میں بسنے والے لوگ
Poet: Ash By: Ashi Khushi, lahoreپل میں پاگل کر دیتے ہیں دل میں بسنے والے لوگ
جینا مشکل کر دیتے ہیں دل میں بسنے والے لوگ
آنکھوں میں بس جاتےہیں، دھڑکن میں ڈھل جاتے ہیں
ذات مکمل کر دیتے ہیں دل میں بسنے والے لوگ
پیار کبھی برساتے ہیں جب برساتوں کی صورت میں
تن من جل تھل کر دیتے ہیں دل میں بسنے والے لوگ
راکھ کبھی کر دیتے ہیں وہ، دل میں بستی دنیا کو
ساحل کو صحرا کر دیتے ہیں دل میں بسنے والے لوگ
راتوں میں خوابوں میں آکر نیند چراتے آنکھوں کی
دن بھی بوجھل کر دیتے ہیں دل میں بسنے والے لوگ
بھول بھی جاؤ عیش انکو کیوں پل پل دھراتی ہو
عشق کو قاتل کر دیتے ہیں دل میں بسنے والے لوگ
Rate it: 
Views: 1078
27 Nov, 2009
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
