Add Poetry

دنیا کا ایک خواب سا

Poet: muhammad nawaz By: muhammad nawaz, sangla hill

میری ریاضتوں کا صلہ یہ دیا مجھے
منزل قریب آئی تو بھٹکا دیا مجھے

یزداں نے چھین کر وہ حسیں خلد کا میلہ
دنیا کا ایک خواب سا پکڑا دیا مجھے

میں ڈھونڈ رہا تھا تیرے احساس کی ٹھنڈک
شعلے کی طرح وقت نے دہکا دیا مجھے

اپنا شعور ۔ ذوق تڑپ ۔ تاب شاعری
مت پوچھ تیرے عشق نے کیا کیا دیا مجھے

پاتا ہوں اپنے آپ کو اک خواب نگر میں
اس پھول نے کچھ اس طرح مہکا دیا مجھے

وہ عالم خوش رنگ نظر کا فریب تھا
تتلی نے آ کے کان میں بتلا دیا مجھے

اس دور کو سہنے کی کہاں دل میں تاب تھی
اک آرزو کے زعم نے بہلا دیا مجھے

افسردگی میں بیٹھے ہیں سب اہل بہاراں
لگتا ہے جیسے آپ نے ٹھکرا دیا مجھے

Rate it:
Views: 574
07 Dec, 2011
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets