رقص میں رات ہے بدن کی طرح
Poet: Parveen Shakir By: Shazia Hafeez, Attockرقص میں رات ہے بدن کی طرح
بارشوں کی ہوا میں، بن کی طرح
چاند بھی میری کروٹوں کا گواہ
میری بستر کی ہر شکن کی طرح
چاک ہے دامن قبائے بہار
میرے خوابوں کے پیراہن کی طرح
زندگی، تجھ سے دور رہ کر میں
کاٹ لوں گی جلا وطن کی طرح
مجھ کو تسلیم، میرے چاند کہ میں
تیرے ہمراہ ہوں گہن کی طرح
بارہا تیرا انتظار کیا
اپنے خوابوں میں اک دلہن کی طرح
Rate it: 
Views: 837
17 Jun, 2009
More Love / Romantic Poetry
