سب تمہارے لئے

سب تمہارے لئے
جان جاں یہ جہاں یہ زمیں آسماں
یہ میرے رات دن خاک میں تیرے بن
یہ میری زندگی دوستی دشمنی
راستے واسطے سب تمہارے لئے
تم جو دیکھو تو میرے شب و روز کو
کوئی مطلب ملے
تم جو پوچھو تو میرے ہر اک حرف کو
کوئی رتبہ ملے کوئی منصب ملے
تم جو سوچو میرے واسطے کچھ بھی
میں ستاروں کو مٹھی میں بھر لاؤں گا
تم اگر ایک مجھ کو آواز دو
میں جہاں پر بھی ہوں لوٹ کر آؤں گا
یہ مرے جسم و جاں میرے شعر و نحن
میری تنہائیاں
بزم آرائیاں
اب تمہارے لئے
سب تمہارے لئے