سوہنی نوں کیہ ملیا سی اپنی جان گوا کے
Poet: IMTIAZ SHARIF IMTIAZ By: RAAZ BHANEWALI, SIALKOTسوہنی نوں کیہ ملیا سی اپنی جان گوا کے
راہواں وچ بہہ بہہ کے انتظار کرنا ٹھیک نئیں
ایس خود غرضی دے دور وچ پیار کرنا ٹھیک نئیں
اپنے اپنے دکھاں وچ سارے لوک پھسے ہوئے نیں
کوئی تیرا دکھ ونڈائے گا ایہہ اعتبار کرنا ٹھیک نئیں
اپنی وی جندڑی نوں کدی وکھا میلا ہاسیاں دا
انج رو رو کے خود نوں بیمار کرنا ٹھیک نئیں
چنگا بھلا پیا جینا ایں ایویں لوکی پاگل کہن گے
عشق دا اے پوت سر تے سوار کرنا ٹھیک نئیں
شہراں وچ ہر اک شے بناوٹی نظر آؤندی اے
پنڈاں دیاں ایناں دوکاناں نوں بازار کرنا ٹھیک نئیں
سوہنی نوں کیہ ملیا سی اپنی جان گوا کے تے
عشق دا ایہہ وگدا سمندر پار کرنا ٹھیک نئیں
Rate it: 
Views: 299
13 Jun, 2011
More Love / Romantic Poetry
