سو جاتے ہیں سب اوڑھ کے لمبی سی جدائی

اک بار بھی سینے سے لگاتا نہیں کوئی
اب نقش محبت کا بناتا نہیں کوئی

سو جاتے ہیں سب اوڑھ کے لمبی سی جدائی
ان ہجر کی راتوں سے جگاتا نہیں کوئی

اب موسمِ باراں کی تڑپ ہے مجھے شاید
گھر اپنے جو صحرا بھی بلاتا نہیں کوئی

جو دل کے خذینے میں مرے راز چھپے ہیں
وہ رازِ وفا ہی تو چراتا نہیں کوئی

دریا پہ کوئی پیاس کا پیکر بھی نہیں ہے
اور دل کے سمندر میں نہاتا نہیں کوئی

بادل مرا مجھ پہ ہی سدا برسے وہیں آپ
اب دشتِ مضافات کا دھارا نہیں کوئی

جس زیست کے بازار میں بیٹھی ہوں میں وشمہ
اس زیست کا یہ بوجھ اٹھاتا نہیں کوئی