شکوہ

نہیں اچھا کوئی اشارہ صاف کہہ دو نہ
کہاں تک ساتھ دو گے تم ہمارا صاف کہہ دو نہ

جدائی کی طرح دریا بھی اپنے ساتھ چلتے ہیں
نہیں ملتا کنارے سے کنارہ صاف کہہ دو نہ

بہانے اپنی مجبوری کے کیوں آکر سناتی ہو
قصور اس میں نہیں کوئی تمہارا صاف کہہ دو نہ

ہمیں تنہائی کے طعنے تم مت دو غیر کے آگے
کہ ہم بھی ڈھونڈلیں کوئی سہارا صاف کہہ دو نہ

ہمارے ہاتھ کی اکثر لکیریں ملتی جلتی ہیں
مگر ملتا نہیں اپنا ستارہ صاف کہہ دو نہ