شہکار

ناز و انداز کا حسیں شہکار
تیری طرزِ سخن تیری گفتار

توسراپا ہے شانِ محبوبی
اے نگارِ چمن میرے دلدار

تجھ کو دیکھوں تو آنکھ روشن ہو
تجھ کوسوچوں تو ذہن ہو بیدار

تیرا مشرب سدا سے عشق و وفا
تیرا مسکن دلِ حزیں کا دیار

میرا محور تیرا تخیل ہے تو ہے
اے دوست زندگی کا مدار

تو مگر جب سے روٹھ بیٹھا ہے
چھن گیا ہے سکون و صبر و قرار

جینا مشکل ہوا بِنا تیرے
سانس لینا بھی ہو گیا دشوار

رات بھر کروٹیں بدلتا ہوں
بسترِ غم بنا ہوا ہے خار

رُخ ہی ہستی سے موڑ لوں نہ کہیں
تو نہیں ہے تو زندگی بیکار

مٹ ہی جائے گا میرا نام و نشاں
ہے سرِ راہ بے کسی کا مزار

یاد آئے گی تجھ کوفیصلؔ
کی تیری الفت میں ہوگیا جو نثار