عشق

ایہہ عشق نبھانا بڑا اوکھا
تُو عشق دا روگ کدی لاوی نہ

ع عقل وی ڈھے جاندی اے اس در تے
تُو بھانویں کملا بن بن سوچی جا

ش شرط اے وفا عشق دی
تُو جوگی بھیس ہنڈائی جا

ق قید اے روح وی یار دی یاد وچ
تُو بھانویں لکھ عملاں کرائی جا

ایہہ عشق بڑا ای ظالم اے
کدی ہیر زہر پلا جاندا

ایہہ عشق بڑا ای جابر اے
کدی سسی چھلاں پار کرا جاندا

ایہہ عشق بڑا ای قاتل اے
کدی لیلٰی نوں تڑپا جاندا

ایہہ عشق بڑا ای پاگل اے
کدی فرہاد نہر بہا جاندا

کدی عشق سُولی چڑھا جاندا
کدی یار دے نال ملا جاندا
کدی عالم اے کدی فاضل اے
کدی عشق مومن بنا جاندا

ایہہ عشق دی راہواں بڑی اوکھیاں
تُو اس نوں دل دا روگ بنائی نہ