عہدِ وفا کو دل سے لگائے ایک زمانہ بیت گیا
Poet: wasim ahmad moghal By: wasim ahmad moghal, lahoreعہدِ وفا کو دل سے لگائے۔۔۔۔۔۔۔۔۔ ایک زمانہ بیت گیا
تیرے غم کا بوجھ اُٹھائے۔۔۔۔۔۔۔۔۔ ایک زمانہ بیت گیا
جانے کب وہ اپنے دستِ ناز سے آکر۔ ۔۔۔۔دستک دے
دروازے پر کان لگائے۔۔۔۔۔۔۔۔ ۔ایک زمانہ بیت گیا
اُس کی میٹھی باتیں اَب تک کانوں میں۔۔۔ رس گھولتی ہیں
شیریں لبوں کو رَس ٹپکائے ۔۔۔۔۔۔۔۔ایک زمانہ بیت گیا
میری مشامِ جاں ہے معطر آج بھی اُس کی ۔۔۔۔خُوشبو سے
حالانکہ اُس شُوخ کو آئے۔۔۔۔۔۔۔۔۔ ایک زمانہ بیت گیا
پھیلی ہوئی ہے اُس کی خُوشبو آج بھی گھر کے۔۔۔ آنگن میں
جب کہ وہ زلفیں لہرائے ۔۔۔۔۔۔۔۔۔ایک زمانہ بیت گیا
سُونی پڑی ہیں پیار کی راہیں جانے تم کب ۔۔۔۔۔۔۔آؤ گے
پلکوں پر بھی دیپ جلائے ۔۔۔۔۔۔۔۔۔ایک زمانہ بیت گیا
وہ آتے ہیں وہ آئے ہیں پہلو میں آکر۔۔۔۔۔۔۔۔ بیٹھےہیں
آنکھوں میں یہ خواب سجائے۔۔۔۔۔۔۔ ایک زمانہ بیت گیا
نقش ہیں میرے دل پہ تیرےہاتھ کی ۔۔۔۔لکھی تحریریں
جن کو حرزِ جاں بنائے ۔۔۔۔۔۔۔۔۔۔۔ایک زمانہ بیت گیا
توڑ دیئے ہیں شاید تُو نے مجھ سے پیار کے۔۔۔۔ سب رشتے
جاناں تازہ زخم لگائے ۔۔۔۔۔۔۔۔۔۔۔ایک زمانہ بیت گیا
آؤ چلیں بیتابئیِ دل کو لے کر اُس کی محفل ۔۔۔۔۔۔۔میں
اُس کو اپنا درد سنائے۔۔۔۔۔۔۔۔۔۔۔۔ ایک زمانہ بیت گیا
آقا اپنے دستِ کرم سےکچھ تو ڈال دے۔۔۔۔۔ جھولی میں
مجھ کو بھی دامن پھیلائے ۔۔۔۔۔۔۔۔۔ایک زمانہ بیت گیا
تم بیٹھو تو تم کو پلاؤںمیناءِ دل سے۔۔۔۔۔۔۔ جامِ شراب
غزلوں کا مینا چھلکائے۔۔۔۔۔۔۔۔۔۔۔ ایک زمانہ بیت گیا
آج تلک پھولوں کی مہک ہے شہرِ وفا کی ۔۔۔۔۔گلیوں میں
شہرِ وفا میں خون بہائے ۔۔۔۔۔۔۔۔۔۔ایک زمانہ بیت گیا
بہہ گئی آخر یاد میں اُس کی۔۔۔۔۔۔۔۔۔ روتے روتے بینائی
جس سے ہم کو آنکھ ملائے ۔۔۔۔۔۔۔۔۔ایک زمانہ بیت گیا
اُس چہرے کی شیتل کرنیں قلب و نظر کا ۔۔۔۔سرمایہ ہیں
قلب و نظر میں جن کو سمائے ۔۔۔۔۔۔۔ایک زمانہ بیت گیا
پھولوں جیسے حُسن پہ تم بھی ہیروں جیسے ۔۔۔۔۔۔شعر کہو
جس کی خاطر پتھر کھائے۔۔۔۔۔۔۔۔۔ ایک زمانہ بیت گیا
آج تلک ہے ذہن میں میرے اُن قدموں کی چاپ وسیم
جس کو دھڑکن دل کی بنائے ۔۔۔۔۔۔۔ایک زمانہ بیت گیا
(عبدالحمید عدم مرحوم کی زمین میں )
نہ اَمیری کی اُسے قَید، نہ غُربَت کی رَضا ہے
یہ نہ دیکھے کہ کوئی تَخت پہ بیٹھا ہُوا ہے
یا کوئی خاک کی چادَر میں لِپٹا ہُوا ہے
کبھی ہَنستے ہوئے چہروں کو رُلا جاتی ہے
کبھی آنکھوں میں بَسے خَواب مِٹا جاتی ہے
کبھی ماں باپ کا سایہ ہی اُٹھا لیتی ہے
کبھی بَچّوں کی ہَنسی چھِین کے لے جاتی ہے
یہ نہ رِشتوں کی حُرمَت، نہ تَعلق دیکھے ہے
بَس اَجَل اپَنے مَقَرّرہ ہی لمَحے دیکھے ہے
جو گیا لَوٹ کے آیا نہیں دُنیا میں کبھی ہے
بَس یَہی بات دِلوں کے لیے اِک صَدمہ ہے
غَم کی اِس گھَڑی میں صَبَر ہی مومن کا سَہارا ہے
وَرنہ یہ دُکھ تو ہر اِک دِل نے اَکیلا سَہا ہے
مظہرؔ اِس سَچ کو سمجھ لو، یَہی اَنجامِ حیات ہے
مَوت آ کر یہ بتاتی ہے کہ دُنیا فانی ہے
یہ خُون کے دَھبّے کبھی چہروں سے نہ دھُلیں گے
ہَر شہر میں پھَیلی ہوئی خاموش فَضا کو
آوازِ حَق آئیں گی تو پَتھر بھی ہِلیں گے
یہ وَقت کی عادَت ہے کہ فِرعَون بہت ہیں
مُوسیٰ بھی مگر بَطنِ زَمانہ سے نِکلیں گے
مَعصُوم لَہو مانگ رہا ہے یہ گواہی
تاریخ کے اَوراق میں یہ دن بھی لکھیں گے
زَنجیر کی جھَنکار سے ڈَرنے کی نہ کَہیو
یہ لوگ ہیں، اِک روز یہی زَنجیر بَدلیں گے
جو لوگ سَمجھتے ہیں کہ سَب خَوف میں ہیں قَید
وہ دیکھ لیں، حالات کے دھارے بھی بَدلیں گے
مظہرؔ یہ اَندھیروں کا تَسَلَط ہے فَقط آج
سُورَج ہیں اگر زِندہ تو کل پھر سے نِکلیں گے
زَمانے بھر کی رُسوائی کو بھی سِینے سے لگانے کا
جو سَچے دِل سے کرتے ہیں، وہ سَودا خَوف کا کَب ہے؟
یہ رَستہ ہے چراغِ جاں سرِ طُوفاں جَلانے کا
وَفا جب ہاتھ تھامے تو حِسابوں میں نہیں پَڑتی
یہ شیوہ ہے خَساروں میں بھی رِشتہ ہی نِبھانے کا
مُحبت مَصلِحَت کی قَید میں رَہ کر نہیں جیتی
یہ دَریا ہے کِناروں سے بَغاوَت کر کے جانے کا
جو بَدنامی کے ڈَر سے ساتھ چھوڑ آئے رہِ دِل میں
اُسے دَعویٰ تو آتا ہے، ہُنر نہیں وَفا کرنے کا
عَہد اَگر سَچاّ ہو تو مَوسم راہ نہیں روکتے
یہ حوصِلہ ہے کانٹوں پر بھی ہَنستے مُسکرانے کا
مظہرؔ عِشق وہ سَجدہ ہے جِسے دُنیا نہیں سَمجھی
یہ جَذبہ ہے فَنا ہو کر بھی مَحبُوب کو پانے کا
کسی نے دَرد کو سَڑکوں پہ پھر عُریاں لِکھا ہے
یہ کیسا دَور آیا ہے، یہ کیسا اِمتحاں آیا
کہ ہر سَچ بولنے والے پہ اِک زِنداں لِکھا ہے
نہ ماؤں کی دُعائیں ہیں، نہ بَچّوں کی ہَنسی باقی
فضاؤں نے ہر اِک چہرے پہ اِک طُوفاں لِکھا ہے
کبھی راولاکوٹ رویا، کبھی کوئی نگر رویا
سِتم کی داستاں نے خود کو پھر دہراں لِکھا ہے
یہاں طاقَت کے اِیوانوں میں فیصلے اور ہوتے ہیں
مگر مَحروم لوگوں نے اَلگ فَرمان لِکھا ہے
وہ کہتے ہیں کہ خاموشی ہی اب تَقدیر ہے اَپنی
مگر اہلِ وَفا نے "حَق" کو پھر اِمکاں لِکھا ہے
نہ دَولت سے، نہ قُوَّت سے، نہ تَلواروں کی دھَمکی سے
ضَمیرِ زِندہ نے آزادی کو قُرآں لِکھا ہے
مظہرؔ! وقت گواہی دے گا آنے والی نَسلوں کو
وَفا والوں نے خُون سے آزادی کا ساماں لِکھا ہے
