غزل. بچھڑنے سے ذرا پہلے

تجھے احساس ہی کیا تھا بچھڑنے سے ذرا پہلے
میں قطرہ تھا یا دریا تھا بچھڑنے سے ذرا پہلے

نہ جانے کیوں زمانے بعد مجھ کو یاد آیا ہے
میں اک روشن ستارہ تھا بچھڑنے سے ذرا پہلے

پھر اس کے بعد آنکھوں میں کبھی آنسو نہیں آئے
بہت تم نے رلایا تھا بچھڑنے سے ذرا پہلے

کسی کو کیا خبر میں کیوں تھکا ماندہ سا رہتا ہوں
میں شیشہ جیسے ٹوٹا تھا بچھڑنے سے ذرا پہلے

محبت کی کہانی میں کئ کردار ایسے تھے
جنہیں میں جاں سے پیارا تھا بچھڑنے سے ذرا پہلے