غموں کا دور ہے اور کوئی غمگسار نہیں (گیت)

غموں کا دور ہے اور کوئی غمگسار نہیں
ہے زندگی مری ویراں کسی کا پیار نہیں

مرے وجود کے اندر کا حال مت پوچھو
ہے اپنی زیست پہ کتنا ملال مت پوچھو

ہر ایک سمت خذاں ہے کہیں بہار نہیں
ہے زندگی مری ویراں کسی کا پیار نہیں

لگی ہے چوٹ جو دل پہ نہ جان پاؤ گے
کیا ایک پل کے لیے بھی کبھی نہ آؤ گے

تمھارے بن مرے دل کو کہیں قرار نہیں
ہے زندگی مری ویراں کسی کا پیار نہیں

غموں کا دور ہے اور کوئی غمگسار نہیں
ہے زندگی مری ویراں کسی کا پیار نہیں