قسم لے لو

اسے کہنا قسم لے لو
تمھارے بعد اگر ہم نے
کسی کا خواب دیکھا ہو
کسی کو ہم نے چاہا ہو
کسی کو ہم نے سوچا ہو

کسی کی آرزو کی ہو
کسی کی جستجو کی ہو
کسی سے آس رکھی ہو
کوئی امید باندھی ہو

کوئی دل میں اتارا ہو
کوئی اگر تم سے پیارا ہو
کوئی دل میں...... بسایا ہو
کوئی......... اپنا بنایا ہو
کوئی روٹھا ہو اور ہم نےاسے رو رو منایا ہو
دسمبر کی حسیں رت میں
کسی کے ہجر جھیلے ہوں
کسی کی یاد کا موسم
میرے آنگن میں کھیلا ہو

کسی سے بات کرنے کو
کبھی یہ ہونٹ ترسے ہوں
کسی کی بے وفائی پر
کبھی یہ نین برسے ہوں

اسے کہنا قسم لے لو