لبوں پے اب مرے کوئی دعا نئیں

لبوں پے اب مرے کوئی دعا نئیں
کہ جو مانگا تھا مجھ کو وہ ملا نئیں

وہ ہے کیا جس نے فرصت ہی نہیں دی
بڑی مدّت سے رویا نئیں ہنسا نئیں

میں نیند اب کس طرح کر لُوں اے بستر
کہ میرا کوئی خواب اب تو رہا نئیں

میں کیسے مان لُوں فرقت ہے تُو تو
پہنچ میں نئیں مگر دم بھر جدا نئیں

اے مسکان آپ سے بچھڑا ہوا شخص
کچھ ایسا اجڑا دنیا سے بسا نئیں

میں کتنا جھوٹا عاشق ہوں ناں اے جان
تمہارا ہجر گزرا میں مرا نئیں

شبِ فرقت کوئی چیخا تھا اندر
پھر اُس کے بعد مجھ میں شور اٹھا نئیں

بچھڑتے دم لہو میں تر تھیں آنکھیں
مگر صدمے سے اِک آنسو بہا نئیں