میری وفائیں بلاتی ہیں میری جاں آ جا (گیت ، حصہ دوم)

مری وفائیں بلاتی ہیں میری جاں آ جا
اے میرے پیار کے راہی ، اے مہرباں آ جا

تڑپ رہی ہوں میں تیرے لیے مرے ہمدم
جو تیرا ساتھ ملے زندگی میں پھر کیا غم

پون ہے مست ،محبت کا ہے سماں آ جا
اے میرے پیار کے راہی ، اے مہرباں آ جا

پکڑ کے ہاتھ مرا دور مجھ کو لے جا کہیں
دے پیار اتنا کہ آ جائے چاہتوں پہ یقیں

ستا رہی ہیں محبت کی گرمیاں آ جا
اے میرے پیار کے راہی ، اے مہرباں آ جا

میں ٹوٹ کر تجھے چاہوں گی عمر بھر سجناں
جدھر بھی جائےگا آؤں گی میں ادھر سجناں

چلا بھی آ مری بانہوں میں ہے جہاں آ جا
اے میرے پیار کے راہی ، اے مہرباں ا جا

مری وفائیں بلاتی ہیں میری جاں آ جا
اے میرے پیار کے راہی، اے مہرباں آ جا