میری یادوں کو اپنی دنیا میں

میری یادوں کو اپنی دنیا میں
کیوں تماشہ بنائے رکھتا ہے

میں بھی آنکھوں میں اس کو رکھتی ہوں
وہ بھی منظر سجائے رکھتا ہے

دے کے کلیوں پہ شبنمی چادر
خوبصورت بنائے رکھتا ہے

میرے آنگن میں جب قمر اترے
شب کا بستر سجائے رکھتا ہے

دل کی دنیا میں آ کے دیوانہ
دل کو مجنوں بنائے رکھتا ہے

مرا ایمان لٹ گیا وشمہ
وہ وفا کو چھپائے رکھتا ہے

میرا بیٹا ہے میرا سرمایہ
میری ممتا جگائے رکھتا ہے