میرے دِل کو تمہاری ہی محبت کی ضرورت ہے

میرے دِل کو تمہاری ہی محبت کی ضرورت ہے
تمہیں کیسے بتاؤں کہ مجھے تم سے محبت ہے

تمہاری مسکراہٹ اپنی پلکوں میں چھپا لوں گی
برا مانے بِنا کہہ دو مجھے اس کی اجازت ہے

تمہاری دید کی طالب یہ آنکھیں کہتی رہتی ہیں
تمہیں ہر روز دیکھنا میری آنکھوں کی حسرت ہے

تمہیں یوں رو برو پا کر دھڑکنا بھول جاتا ہے
مگر تمہیں ہی چاہتا ہے بڑی دِل کی جسارت ہے

میری نظروں سے اپنے حسن کی تاثیر کو دیکھو
زباں سے کیا کہوں کتنی حسیں تر یہ زیارت ہے

تمہارے بِن بہت دشوار ہے جینا میرا جاناں!
تمہارا ساتھ پا لینا میرے جیون کی راحت ہے

وہ تیرا حالِ دِل عظمٰی بھلا کیسے سمجھ پائیں
تیرے لئے ان کے دِل میں محبت ہے نہ چاہت ہے