نہ ڈریا کر نہ شرمایا کر

نہ ڈریا کر نہ شرمایا کر لوکی تے گلاں کر دے نیں
جدوں دل چاہوے تیرا آیا کر لوکی تے گلاں کر دے نیں

تیرے پیار دے سکھ چاہنے آں اسی ویکھنا تیرا مکھ چاہنے آں
سانوں ہر روز دیدار کرایا کر لوکی تے گلاں کر دے نیں

اسی تانگاں تیریاں لائی رکھ دے اکھاں اوڈیک تیری چے بہائی رکھدے
گلی ساڈی چوں گزر جایا کر لوکی تے گلاں کر دے نیں

پیاریا مسکرانا چنگی عادت اے ایہہ مسکرانا اک عبادت اے
سجناں توں ہر ویلے مسکرایا کر لوکی تے گلاں کر دے نیں

لوکاں دی توں گل چھڈ دے دل چوں چاکا تے وہم کڈ ھ دے
توں صرف اپنی گل سنایا کر لوکی تے گلاں کر دے نیں

جے عشق دی عرضی منیں توں جے امتیاز دی مرضی منیں توں
کدی پیار دی چاتی پایا کر لوکی تے گلاں کر دے نیں