پھول کیوں کر کھلا نہیں معلوم

پھول کیوں کر کھلا۔۔۔۔۔ نہیں معلوم
شعلہ کیوں کر اُٹھا ۔۔۔۔۔نہیں معلوم

تھا ستارہ وہ کس کی ۔۔۔۔۔۔۔قسمت کا
ٹوٹ کر جو گرا ۔۔۔۔۔۔۔نہیں معلوم

ہاتھ اُٹھے تو ہیں۔۔۔۔۔۔۔ دعا کے لئے
کیا کروں گا دعا ۔۔۔۔۔۔۔نہیں معلوم

ہم سےکیا پوچھتے ہے۔۔۔۔۔ اُس کا پتہ
ہم کو اپنا پتہ ۔۔۔۔۔۔۔۔۔نہیں معلوم

میں تو نظریں چرائے۔۔۔۔۔۔۔ بیٹھا تھا
راز کیسے کھلا ۔۔۔۔۔۔۔۔۔نہیں معلوم

دل تَو ضبطِ فغاں کا ۔۔۔۔۔۔۔۔خُوگر تھا
آج کیوں رو دیا ۔۔۔۔۔۔۔نہیں معلوم

نہ کوئی آرزو نہ ۔۔۔۔۔۔۔خواہش ہے
دل کو کیا ہو گیا ۔۔۔۔۔۔۔نہیں معلوم

میکدے سے میں کس کے۔ گھر جاؤں
سچ ہے یہ ساقیا ۔۔۔۔۔۔۔نہیں معلوم

پوچھتے کیا ہو حالِ دل۔۔۔۔۔ مجھ سے
تم کو اے دوست کیا۔۔ ۔نہیں معلوم

اپنے سینے پہ ہاتھ رکھ ۔۔۔۔۔کے کہو
مجھ سے کیوں ہو خفا۔۔۔ نہیں معلوم

چھو کے آئی ہے اُن کے۔۔ ہونٹوں کو
کیا سنائے صبا ۔۔۔۔۔۔نہیں معلوم

واپسی کا بھی راستہ۔۔۔۔۔۔۔۔ ظالم
تم کو اے ناخدا ۔۔۔۔۔نہیں معلوم

دل مرا بیٹھ بیٹھ ۔۔۔۔۔۔۔جاتا ہے
کون اُٹھ کر گیا ۔۔۔۔۔نہیں معلوم

چاند جو اوج پر۔۔۔۔۔۔۔ چمکتا ہے
کس کاہے نقشِ پا ۔۔۔نہیں معلوم

اُس کے کوچے سے ہو۔ کے آیا ہے
اِس کو کیا ہو گیا ۔۔۔۔۔نہیں معلوم

اب ترا کون ہے۔۔۔۔ زمانے میں
زخمِ دل بھی ہنسا۔۔۔ نہیں معلوم

کہہ تو آیا ہوں حالِ دل ۔۔۔۔اپنا
اُس نے بھی کچھ سُنا ۔۔نہیں معلوم

شکوہ اُس تک ہے۔۔۔۔ نارسائی کا
ہم کو آہِ رسا ۔۔۔۔۔نہیں معلوم

گل کھلائیں گے کیا۔۔ بہاروں میں
اُن کے ناز و ادا ۔۔۔۔نہیں معلوم

تیرے آنے سے ایک۔۔ محشر سا
کیوں ہوا ہے بپا ۔۔۔نہیں معلوم

دل نے کی ہے۔۔ دماغ نے کی ہے
کس نے کی ہے خطا ۔۔نہیں معلوم

اپنے اِس جرمِ عاشقی۔۔۔ کی وسیم
کیا ملے گی سزا۔۔۔۔ نہیں معلوم