پیار میں پہلے پہل پہلی غزل کیسی لگی
Poet: رضوان ناظم By: Ghani, Puneپیار میں پہلے پہل پہلی غزل کیسی لگی
آپ کی تعریف میں لکھی غزل کیسی لگی
آپ نے کتنی پڑھی کتنی سنی ہے شاعری
آپ کو میری قسم میری غزل کیسی لگی
میں نے دیکھا آپ کو اور لکھ دیا جان غزل
دشمنوں نے داد دی اچھی غزل کیسی لگی
چودھویں کا چاند کہتا ہے زمانہ آپ کو
چاندنی میں نے کہا میری غزل کیسی لگی
آپ سے دل کو لگانے کا ملا ہے یہ صلہ
مل گئی شہرت مجھے پیاری غزل کیسی لگی
آپ تو محفل میں آ کر مسکرا کر چل دئے
آپ کو معلوم ہے میری غزل کیسی لگی
میں نے ناظمؔ عاشقی میں جاں لٹائی دل دیا
کیا پتہ معشوق کو ایسی غزل کیسی لگی
Rate it: 
Views: 718
14 Jul, 2021
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
