چاند کی خواھش نادانی ھے ، چاند کبھی ھاتھ آیا ھے

پیار کے موسم بیت چکے اب ھجر کا موسم آیا ھے
تنہا بیٹھا سوچ رہا ھوں ، کیا کھویا ، کیا پایا ھے

ھجر کی لمبی راتیں ھیں اور ایک سسکتا سایا ھے
تیری یادیں ، تیری باتیں ، اپنا کل سرمایا ھے

اھل ھوس کی اس دنیا میں کون کسی سے پیار کرے
کون کسی کا دردی ھو ، جب دین ایمان ہی مایا ھے

عقل پریشاں ۔ دیدہء حیراں کیسا موسم آیا ھے
انسانوں نے انسانوں کو انساں سے ڈسوایا ھے

چاک گریباں پاؤں میں چھالے ، ہاتھوں میں کشکول
تیری چاہت میں اے ساجن ھم نے یہی کچھ پایا ھے

میرا پاگل منوا مچلے لاکھہ اسے سمجھاؤں میں
چاند کی خواھش نادانی ھے ، چاند کبھی ھاتھ آیا ھے