کریں گے یاد تمھیں ،تم کو ہی پکاریں گے (دوگانا)

لڑکی
۔۔۔۔۔۔۔۔۔ ۔ ۔ ۔

بہیں گے اشک یونہی زندگی گزاریں گے
کریں گے یاد تمھیں ،تم کو ہی پکاریں گے

کوئی بھی شہر ہو دنیا میبں چاہے کوئی نگر
جہاں بھی جائیں گے چاہیں گے تم کو شام و سحر
تمھارا پیار ستائے گا عمر بھر ہمدم
نہ ختم ہو گا تمھاری وفا کا دل پہ اثر

یہ بوجھ دل سے بھلا کس طرح اتاریں گے
کریں گے یاد تمھیں ، تم کو ہی پکاریں گے

بہیں گے اشک یونہی زندگی گزاریں گے
کریں گے یاد تمھیں ،تم کو ہی پکاریں گے


لڑکا
۔۔۔۔۔۔۔ ۔ ۔ ۔

اداسیوں سے بھری زندگی گزاریں گے
تڑپ تڑپ کے تمھیں جان من پکاریں گے

ہوائیں بیتے فسانے ترے سنائیں گی
بہاریں تیری مہک ہر طرف لٹائیں گی
کرے گا چاند بھی ہر شب تمھاری ہی باتیں
فضائیں گیت تمھارے ہی گنگنائیں گی

ہنسیں گے اور نہ خود کو کبھی سنواریں گے
تڑپ تڑپ کے تمھیں جان من پکاریں گے

اداسیوں سے بھری زندگی گزاریں گے
تڑپ تڑپ کے تمھیں جان من پکاریں گے