کسی کے گھر میں وہ روز جائے ہماری قسمت میں کیا یہی ہے
Poet: wasim ahmad moghal By: wasim ahmad moghal, lahoreکسی کے گھر میں وہ روز جائے۔۔۔۔۔۔۔۔۔۔۔ ہماری قسمت میں کیا یہی ہے
ہمارے خوابوں میں بھی نہ آئے۔۔۔۔۔۔۔۔۔ ہماری قسمت میں کیا یہی ہے
وہ جس کے خوابوں نے میری آنکھوں ۔۔۔۔۔۔کو یارو بے خواب کر دیا ہے
اُسی کو آنکھوں میں ہیں سجائے ۔۔۔۔۔۔۔۔۔۔ہمار ی قسمت میں کیا یہی ہے
یہ چاند لاتا ہے اسکے چہرے کی روشنی کو ۔۔۔۔۔۔۔۔۔۔۔۔چُرا کے ہر شب
کبھی تو اُس کو بھی لا دکھائے۔۔۔۔۔۔۔۔۔۔ہماری قسمت میں کیا یہی ہے
نسیم ہی تو اُڑا کے لاتی ہے۔۔۔۔۔۔۔۔۔۔۔۔ اُس کے دامن کی پیاری خوشبُو
اُسی کو دل میں ہیں ہم بسائے۔۔۔۔۔۔۔۔۔۔ہماری قسمت میں کیا یہی ہے
غموں بھری اِن اُداس راتوں میں چاند چپ ہے ۔۔۔۔۔۔ستارے چپ ہیں
کسی سے کہہ دو غزل سنائے۔۔۔۔۔۔۔۔۔۔۔ ہماری قسمت میں کیا یہی ہے
کوئی تو پوچھے اِن آنسوؤں سے۔۔۔۔۔۔۔۔۔۔ جو دل کا دامن جلا رہے ہیں
یہاں تو پانی بھی ہے جلائے۔۔۔۔۔۔۔۔۔۔۔ ہماری قسمت میں کیا یہی ہے
انا نے روکا ہوا ہے اُن کو۔۔۔۔۔۔۔۔۔۔۔۔۔۔۔ انا نے روکا ہوا ہے مجھ کو
نہ میں ہی پہنچا نہ وہ ہی آئے۔۔۔۔۔۔۔۔۔۔۔۔ ہماری قسمت کیا یہی ہے
وفا کی راہوں میں چلتے چلتے۔۔۔۔۔۔۔۔۔۔۔۔ نئی سی دنیا میں آ گئے ہیں
جہاں پہ ہر کوئی ہے ستائے۔۔۔۔۔۔۔۔۔۔۔ ہماری قسمت کیا یہی ہے
اُدھر بھی لاشیں اِدھر بھی لاشیں۔۔۔۔۔۔ ۔ہماری اپنی ہی گر رہی ہیں
کوئی نہیں ہے جو یہ بتائے۔۔۔۔۔۔۔۔۔۔۔۔ ہماری قسمت کیا یہی ہے
ہر ایک دل میں بھڑک رہی ہے۔۔۔۔ جو آگ نفرت کی میرے یارو
کوئی تو ہو جو اِسے بجھائے ۔۔۔۔۔۔۔۔۔ہماری قسمت میں کیا یہی ہے
ہمارے رہبر ہمارے دشمن کے دوست۔۔۔ کیوں کر بنے ہوئے ہیں
ہمیں نے خود ہی ہیں دھوکے کھائے۔۔ ہماری قسمت میں کیا یہی ہے
وہ کب سے بیٹھے ہیں سر پہ اپنے ۔۔۔۔۔۔وہ تخت والے یہ تاج والے
یہ کب چھٹیں گے مہیب سائے۔۔۔۔۔ ہماری قسمت میں کیا یہی ہے
نہ جانے کتنی ہزار نسلیں۔۔۔۔۔۔ انہیں اندھیروں میں رہ رہیں ہیں
کوئی تو آکر دیئے جلائے۔۔۔۔۔۔۔۔۔ ہماری قسمت میں کیا یہی ہے
ہماری عظمت کی لاش یارو۔۔۔۔۔۔۔۔ جو بیچ بازار سڑ رہی ہے
کوئی تو اِس لاش کو اُٹھائے۔۔۔۔۔۔ ہماری قسمت میں کیا یہی ہے
وہ جس کی بے درد ٹھوکروں نے کل۔۔۔۔ اپنے درسے اُٹھا دیا تھا
اُسی کے قدموں میں لوٹ آئے۔۔ ہماری قسمت میں کیا یہی ہے
غزل تو لکھ لی تھی اُس نے اپنی ۔۔۔۔۔۔مگر وہ بیٹھا یہ سوچتا تھا
غزل یہ اپنی کسے سنائے ۔۔۔۔۔۔۔ہماری قسمت میں کیا یہی ہے
مری غزل کو وہ اپنی کہہ کر۔۔۔۔۔۔۔ عدو کو جا کر سنا رہے تھے
جو میں نے دیکھا تو مسکرائے۔۔۔۔ ہماری قسمت میں کیا یہی ہے
ہزاروں صدمے وہ سہہ چکا ہے۔۔۔۔۔۔ مگر یہ الزامِ بے وفائی
و سیم جاں سے گزر نہ جائے۔۔۔ ہماری قسمت میں کیا یہی ہے
مرے جنازے پہ یوں تو یارو ۔۔۔۔۔۔۔تھا ایک جمِ غفیر لیکن
وہ جن کو آنا تھا وہ نہ آئے۔۔۔۔ ہماری قسمت میں کیا یہی ہے
راہِ نیکی میں تو سچے لوگ بھی ٹوٹ جاتے ہیں
دوست جو ساتھ تھے کبھی نڈر ہمارے اے میاں
وقت کے ساتھ وہ سبھی ہم سے اب چھوٹ جاتے ہیں
ہم چھپائیں کس طرح سے اب محبت کا اثر
دل کے گوشوں سے وہ جذبے خود ہی اب پھوٹ جاتے ہیں
کچھ جو خوابوں کے نگر میں لوگ تھے نکھرے ہوئے
ہو کے بکھرے وہ ہوا کے ساتھ ہی لوٹ جاتے ہیں
جو کیے تھے ہم نے دل کے اس سفر میں وعدے سب
وقت کی قید میں وہ سارے ہم سے اب روٹھ جاتے ہیں
پھول کی خوش بو کی صورت تھی ہماری یہ وفا
یاد کے عالم میں اب وہ سب ہی بس چھوٹ جاتے ہیں
مظہرؔ اب کہتے ہیں یہ سب ہی فسانے پیار کے
کچھ حسیں لمحے بھی دل سے اب تو اتر جاتے ہیں
خواب بکھرے ہیں مرے اس دل کے ہی ویرانے میں
ہم کو تنہا کر دیا احساس کی اس دنیا نے
جیتے ہیں ہم جیسے جلتے ہوں کسی پیمانے میں
ہر قدم ٹھوکر ملی ہے، ہر جگہ دھوکا ملا
پھر بھی تیری یاد آئی ہے ہمیں زمانے میں
اپنے ہی گھر سے ملے ہیں ہم کو اتنے دکھ یہاں
بے وفا نکلے سبھی رشتے اسی خزانے میں
شمعِ امید اب تو آہستہ سے بجھنے لگی ہے
آگ سی اک لگ گئی ہے دل کے اس کاشانے میں
ہر سخن خاموش تھا اور ہر زباں تنہا ملی
غم ہی غم گونجا ہے اب تو بھیگے ہر ترانے میں
دل جسے سمجھا تھا اپنا سب ہی کچھ اے مظہرؔ
اب وہ بھی تو مل نہ سکا ہم کو کسی بہانے میں
نیک سیرت لوگ ہی دنیا میں روشن ہوتے ہیں
جس کی گفتار و عمل میں ہو مہک اخلاق کی
ایسے ہی انسان تو گویا کہ گلشن ہوتے ہیں
نرم لہجہ ہی بناتا ہے دلوں میں اپنی جگہ
میٹھے بول ہی تو ہر اک دل کا مسکن ہوتے ہیں
جن کے دامن میں چھپی ہو عجز و الفت کی ضیا
وہی تو اس دہر میں پاکیزہ دامن ہوتے ہیں
بات کرنے سے ہی کھلتا ہے کسی کا مرتبہ
لفظ ہی تو آدمی کے دل کا درپن ہوتے ہیں
جو جلاتے ہیں وفا کے دیپ ہر اک موڑ پر
وہی تو اس تیرگی میں نورِ ایمن ہوتے ہیں
تلخ باتوں سے تو بس پیدا ہوں دوریاں سدا
اچھے الفاظ ہی تو الفت کا کندن ہوتے ہیں
مظہرؔ اب اپنے سخن سے تم مہکا دو یہ جہاں
اہلِ دانش ہی تو علم و فن کا خرمن ہوتے ہیں
وقت آئے گا تو سورج کو بھی رَستہ دِکھا دیں
اَپنی ہستی کو مٹایا ہے بڑی مُشکل سے
خاک سے اُٹھیں تو دُنیا کو ہی گُلشن بنا دیں
ظُلمتِ شب سے ڈرایا نہ کرو تم ہم کو
ہم وہ جگنو ہیں جو صحرا میں بھی شَمعیں جلَا دیں
اَہلِ دُنیا ہمیں کمزور نہ سمجھیں ہرگز ہم وہ
طُوفاں ہیں جو پل بھر میں ہی بَستی مِٹا دیں
خامشی اپنی علامَت ہے بڑی طاقت کی
لَب ہلیں اپنے تو سوئے ہوئے فتنے جگا دیں
ہم نے سیکھا ہے سَدا صَبر و قناعت کرنا
وَرنہ چاہیں تو سِتاروں سے ہی مَحفل سَجا دیں
راہِ حق میں جو قدم اپنے نِکل پڑتے ہیں
پھر تو ہم کوہ و بیاباں کو بھی رَستہ دِکھا دیں
مظہرؔ اَب اپنی حقیقت کو چھُپائے رَکھنا
وقت آئے گا تو ہم سَب کو تماشا دِکھا دیں
