کہا کہ اوں ہنھ

برائے وعدہ بنامِ الفت جھلک دکھا کر کہا کہ اوں ہنھ
بدل ہی دی نا میں ہاں فریبی نے چھت پہ آکر کہا کہ اوں ہنھ

وہ بھیگی شب وہ سہانا موسم
وہ گیلے کپڑے وہ جسم اسکا
کڑکتی بجلی کی روشنی میں
بیانِ واعظ کی حور جیسا
کشش تھی ایسی کہ دل مچل کر
ہوا اسی وقت اس کا شیدا
جو پیش کی اس کو اپنی چھتری
تو کپکپا کر کہا کہ اوں ہنھ

برائے وعدہ بنامِ الفت۔۔۔۔۔۔۔۔۔۔۔۔۔۔۔۔۔۔۔۔۔۔
بدل ہی دی نا میں ہاں فریبی۔۔۔۔۔۔۔۔۔۔۔۔

ہمارے قدموں کی سن کے آہٹ
وہ اسکا گھر سے نکل کے آنا
پکار کر یوں ہی نام کوئی
وہ بر ہمی سے چھڑی اٹھا نا
ہمارے اس سمت دیکھنے پر
وہ ہولے ہولے سے مسکرانا
نشانہ ہم تو نہیں جو پوچھا
تو مسکرا کر کہا کہ اوں ہنھ

برائے الفت بنامِ وعدہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بدل ہی دی نا میں ہاں فریبی ۔۔۔۔۔۔۔۔۔۔۔۔۔۔۔

حلف اٹھا کر یہ بولے اک دن
ہم اپنا وعدہ وفا کرینگے
ادھر کی د نیا ادھر ہو لیکن
یہ دل تو بس ہم تم ہی کو دینگے
پھر اگلے دن ہی یہ آکے بولے
کہ ہم ہیں بے بس نہ مل سکینگے
سبب نہ بتلا یا بے بسی کا
گھما پھرا کر کہا کہ اوں ہنھ

برائے وعدہ بنامِ الفت جھلک دکھا کر کہا کہ اوں ہنھ
بدل ہی دی نا میں ہاں فریبی نے چھت پہ آ کر کہا کہ او ہنھ