Add Poetry

گستاخ ہوئ جاتی ہے اب بادصبا بھی

Poet: FazlulHasan By: F.H.Siddiqui, Lucknow (India)

 ہونٹوں کا تبسم کیا جینے کی ادا بھی
اب زیست بنا تیر ے سزا بھی ہے قضا بھی

اٹکھیلی مرے یار کے آنچل سے کرے ہے
گستاخ ہوئ جاتی ہے اب باد صبا بھی

سولی پہ جہیز کی چڑھی اک اور دولھن آج
ہاتھوں سے نہ چھوٹا تھا ابھی رنگ حنا بھی

سکھیوں نے انھیں چھیڑا تھا کل لے کے مرا نام
اس بات پہ سنتے ہیں وہ خوش بھی ہیں خفا بھی

تصو یر نظر آتی تری اور بھی دلکش
بھر دیتا مصور جو ذرا رنگ وفا بھی

پرہیز ہے لا زم مگر اے شیخ سمجھ لو
کر جاتے ہیں محتاط قدم لغزش پا بھی

ساقی نے حسن آج تو ہونٹوں سے پلا دی
تلخی بھی تھی ترشی بھی تھی مستی بھی نشہ بھی

Rate it:
Views: 498
18 Feb, 2013
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets