ہاتھ ہاتھوں میں جب تمہارا تھا

PoetAtif Saeed Submitted byMehreen
Text size

ہاتھ ہاتھوں میں جب تمہارا تھا
خواب وہ زندگی سے پیارا تھا

میں نے دیکھے تھے خواب میں آنسو
یہ بھی شاید کوئی اشارہ تھا

جو ابھی آسماں سے ٹوٹا ہے
وہ میرے بخت کا ستارہ تھا

تم مجھے غیر ہی سمجھ لیتے
مجھ کو یہ بھی ستم گوارہ تھا

اک قدم بھی بڑھا نہیں کوئی
میں نے کس آس سے پکارا تھا

ڈر رہا تھا جو بھیڑ سے عاطف
اس کو تنہائیوں نے مارا تھا

Related tags on Parveen Shakir poetry

Copied