ہو جاتے ہیں ناراض سوالات کرو تو

ہو جاتے ہیں ناراض سوالات کرو تو
اظہارِ محبت کی شروعات کر تو

ہم پر یہ تمھارا بہت احسان رہے گا
عجلت میں کسی روز ملاقات کرو تو

الزام نہیں آپ پہ آئے گا کبھی پھر
ہنس ہنس کے کسی سے نہ کبھی بات کرو تو

اللہ صلہ دے گا سنور جائے گی قسمت
بے لوث صداقت سے عنایات کرو تو

پل بھر میں سبھی ختم ہو جائیں گے یہ قضیے
تم جلوے دکھا کر وہ کمالات کرو تو

جیون یہ تمھارے بنا دشوار ہے جینا
ممنون رہوں وصل کے حالات کرو تو

گرویدہ تمھارا بھی ہو جائے گا زمانہ
شہزاد اگر حسن کی خیرات کرو تو