-غم کی ڈھلتی ہے کبھی رات تو دکھ ہوتا ہے

-غم کی ڈھلتی ہے کبھی رات تو دکھ ہوتا ہے
مری آنکھوں سے برسات تو دکھ ہوتا ہے

مجھ کو یہ جیت کا عالم تو گوارہ ہی نہیں
اس کو ہو جائے کبھی مات تو دکھ ہوتا ہے

میرا ہرجائی وفاؤں کا خزانہ لے کر
پھر بھی کرتا ہے شکایات تو دکھ ہوتا ہے

پہلے کر کے وہ مرے ساتھ کوئی عہد وفا
اس کا پکڑے جو کبھی ہاتھ تو دکھ ہوتا ہے

وہ مری آنکھ کا تارہ ہے تو ٹھہرے مجھ میں
وہ بچھڑ جائے کسی رات تو دکھ ہوتا ہے

میرا دشمن وہ مرے ساتھ جفائیں کرکے
لے جو ہاتھوں میں ترا ہاتھ تو دکھ ہوتا ہے

ٹوٹے حسرت کا منارہ تو کوئی فکر نہیں
وشمہ ٹوٹے جو کبھی ذات تو دکھ ہوتا ہے