!!یا پریت کسے ناں پائیے نه

یا پریت کسے ناں پائییے نہ
پائیے تے چھوڑ کے جائیے نہ

جو درد نوں آپے جانے نہ
اوہنوں اپنا طبیب بنائیے نہ

جو اوکھے ویلے سنگی نئیں
اوہنوں درد اپنا سنائیے نہ

جیھڑا توڑ تیکر اپڑاوے نہ
اوہنوں دل وچ کدی وسائیے نہ

بے خبری وی چنگی اے
چل چھڈ یار آزمائیے نہ

اتھرو سب دے اک ورگے
کدی اکھ کوئی روائیے نہ

جو دے کے حساب وی کردہ نئیں،
اہودے باجوں ہاتھ پھلائیے نہ

رب دا گھر اے دل عنبر
کدی دل کسے دا ڈھائیے نہ