Aaayat-E-Jaan Se Dar-E-Dil Ko Ujaale Rakhoon

Aaayat-E-Jaan Se Dar-E-Dil Ko Ujaale Rakhoon
Misl-E-Ta'weez Gale Main Usay Daale Rakhoon

Us Kay Aanchal Ki Mahak Choone Lagi Maira Badan
Apni Baanhon Main Hawaaon Ko Sambhaale Rakhoon

Aa ! Mere Chaand Na Khaa Jaaye Sitaaron Ki Nazar
Main Tere Gird Munaajaat Kay Haale Rakhoon

Go! Main Khood Zakhm Saraapa Hoon Jo Too Aaye Tau
Taire Zakhmon Pe Lab-E-Wasl Kay Gaale Rakhoon

Jab Talak Saans Qalam Laita Rahe Likhta Rahoon
Yoonhi Ghazlon Main Tere Husn Ko Dhaale Rakhoon

Pehle Din Tu Ne Jab Iqraar Kiya Tha Jaanaan
Apni Raaton Main Usi Din Kay Hawaale Rakhoon

Rang-O-Khushbu Se Sajaana Hay Har Ik Raste Ko
WARD Rakhoon Tairi Raahon Main Keh Laale Rakhoon