Aaj To Aur Bhi Khawab Sohanay Aaye

Aaj To Aur Bhi Khawab Sohanay Aaye
Ishq Main Beet Chukay The Jo Zamanay Aaye

Phir Se Pehloo Main Dil E Shokh Ne Li Angrai
Raunaq Afroz Khialat Puranay Aaye

Aur Unwan Kai Dil Se Mutalliq Thehray
Zeest K Bab Main Kuch Aur Fasanay Aaye

Aaj Aati Ha Dreechon Se Woh Khushboo E Bahar
Jaisay Mehboob Koi Aap Mananay Aaye

Sun Rahay Ho Ya Sunaoon Tujhay Aye Jan E Jigar
Woh Sandeesay Jo Nia Josh Dilanay Aaye

Zindagi Aap Hi Jati Ha Sanwarti Tahir
Jab Se Woh Shokh Maray Khawab Sajanay Aaye