Aakhri Salaam

Labon Se Tumharey Ek Jaam Aakhri Ho
Muhabbat Ka Phir Wo Maqaam Aakhri Ho

Samajh Kar Ye Is Ko Jagah Dil Mein Dey Do
Ke Shayed Humara Pyaam Aakhri Ho

Phir Chot Khaai Gumaan Phir Kiya Ye
Ke Yaaron Ka Mujh Pe Enaam Aakhri Ho

Thehar Jaaye Aa Kar Khushi Dharrkanon Mein
Terey Dil Mein Raqs-E Aalaam Aakhri Ho

Nahin Hai Muhabbat Ka Anjaam Koi
Pesh-E Subh-E Awwal Na Shaam Aakhri Ho

Abhi Shor Baaqi Hai Maqtal Mein Dekho
Kahin Wo Na Mera Hi Naam Aakhri Ho

Nahin Main Kisi Ki Muhabbat K Qaabil
Dil Waalon Ko Mera Salaam Aakhri Ho