Aatish Shauq Ko

Aatish E Shauq Ko Kuch Aur Barha Jatay Ho
Ik Jhalk Da K Tamasha Mana Jatay Ho

Sitm Dhati Ha Yeh Jab Dosh Pe Lehrati Ha
Nagni Zulf Se Andhair Macha Jatay Ho

Apni Is Mast Kharami Pe Zara Ghaur Karo
Behr E Khamosh Main Toofan Utha Jatay Ho

Chashm E Aahoo Main Simat Ayi Ha Masti Sari
Jam Pe Jam Nigahon Se Pila Jatay Ho

Khanda Lab Aap Bhi Ho Jain Koi Baat Nahin
Sirf Muskan Ka Unwan Hua Jatay Ho

Ham Pe Ehsan Karo Nain Hamaray Le Lo
In Main Ummeed K Qun Deep Jala Jatay Ho

Neem Bismil Ha Yeh Tahir Teri Hasrat Main Magar
Jab Bhi Aatay Ho Nai Barq Gira Jatay Ho