Aik Arsa Ho Gaya Hai

Tumhari Yaad Aaye Aik Arsa Ho Gaya Hai
Humen Aansoo Bahaye Aik Arsa Ho Gaya Hai

Na Soz e Dil Ki Rahat Na Hi Chashm e Tar Ki Lazat
 Kisi Say Dil Lagaye Aik Arsa Ho Gaya Hai

Ye Veerani Nigahon Ki Kahin Aadat Na Bun Jaye
 Koee Sapna Sajaye Aik Arsa Ho Gaya Hai

Mohabat Thi, Mohabat Hai, Mohabat Hi Rahegi
Ye Baat Usko Bataye Aik Arsa Ho Gaya Hai

Teri Yaaden Kisi Dil May Kahan Zeeshan Baqi Hain
 Usay Tujhko Bhulaye Aik Arsa Ho Gaya Hai