Ajeeb Larki Hy

Ajab Pagal C Larki Hai
Mujhe Her Roz Kehti Hai
Batao Kuch Naya Likha
Main Jab Bhi Uss Se Kehta Hoon
Haan Ik Nazm Likhi Hai
Mgar Unwaan Dena Hai
Bhot Bechain Hoti Hai
Wo Kehti Hai
Acha Sunao
Main Ussy Ik Acha Sa Unwaan Deti Hoon
Wo Meri Nazam Sunnti Hai
Or Usski Bolti Aankhain
Kisi Missray Kisi Tashbeeh Per Yu Muskurati Hain
Mujhe Lafzoon Se Kirrnain Photti Mehsoos Hoti Hain
Wo Meri Nazm Ko Acha Sa Ik Unwaan Deti Hai
Or Uss K Aakhri Missray K Neechy Ik Ada-E-Benayazi Se
Wo Apna Naam Likhti Hai
Main Kehta Hoon
Suno
Ye Nazm Meri Hai
To Phir Tum Ne Kyon Apny Naam Se Mansoob Ki Hai"
Meri Ye Baat Sun K Usski Aankhain Muskurati Hain
Wo Kehti Hai
Bara Sada Sa Rishta Hai
K Jesy Tum Mery Hoo
Iss Terha Ye Nazm Meri Hai
Ajab Pagal C Larki Hai