Amn Ka Jo Paigam Sunane Wale Hain

Amn Ka Jo Paigam Sunane Wale Hain
Galiyon Galiyon Aag Lagane Wale Hain

Tum Le Jao Neza Khanjar Aur Talvar
Hum Maqtal Mein Sar Le Jane Wale Hain

Zulm Ke Kale Badal Se Darana Kaisa
Ye Mausam To Aane Jane Wale Hain

Bimaron Ka Ab To Khuda Hi Hafiz Hai
Sare Masiha Zeher Pilane Wale Hain

Jan Bachane Wale To Sab Hain Lekin
Ab Kitne Iman Bachane Wale Hain

Hum Ko Un Valiyon Ki Nisbat Hasil Hai
Dasht Ko Jo Gulzar Banane Wale Hain