Bat Yun Tou Key Bhi Di Bat Phir Bhi An Kahi Si Hai

Ranjish Dil Mein Ab Bhi Teri Be Rukhi Ki Hai
Bat Yun Tou Keh Bhi Di Bat Phir Bhi An Kahi Si Hai

Maysar Hain Yun Tou Sabi Zaroryat-E-Zindagi
Jo Is Zindagi Mein Tu Nahi Bat Us Kami Ki Hai

Jo Ashk Ban K Beh Gae Wo Gham Sare Mujh Ko Bhol Gae
Jo Khushk Si Nazar Mein Jam Gae, Bat Us Nami Ki Hai

Khush Guman Dil Ka Mosam Tha Har Khayal Yun Tou Pur Dam Tha
Tere Asbaat Mein Chupi Thi Jo Bat Us Nafi Ki Hai

Tere Mizaj-E-Sada Pe Mera Etbar Itna Ziada Tha
Jo Tere Khalos Mein Dar Aai Bat Us Sang Dili Ki Hai

Shakh-E-Shajar Pe Jis Ko Phol Ban K Khilna Tha
Wo Jo Murjha K Reh Gae Adh Khili, Bat Us Kali Ki Hai

Kae Khuab Hain Shafaf Se Ankh K Ghilaf Mein
Jo Mit K Nend Mein Ghul Gae Bat Us Shabeeh Ki Hai

Mein Be Khof Nikal K Chal Parun Kisi Our Bhi Kisi Simt Bhi
Jo Mujh Pe Muqfal Hai Bewajah Bat Us Gali Ki Hai

Bat Tere Gharoor Ki Bat Mere Ijz Ki Hai
Bat Yun Tou Keh Bhi Di Bat Phir Bhi An Kahi Si Hai