Chahat

Main Kaghaz Par Lakerein Hun, Mjhe Tasveer Kr Dena
Tujhe Main Raas Aa Jaon Mujhe Akseer Kr Dena

Main Ek Ujrey Huwey Ghar Ki Trah Masmaar Hun Kb Se
Tum Aa Key Apney Hathon Se Isey Tameer Kr Dena

Main Ek Khali Hatheli Hun, Jo Terey Aagey Pheli Hai
Saja Kr Khud Ko Tum Is Mein Meri Taqdeer Kar Dena

Jahan Jaon Tumharey Nam Se Pehchan Ho Meri
Tum Apne Saath Mera Nam Bhi Tehreer Kr Dena

Agar Tum Chorna Chaho To Mjh Ko Chor Na Pao
Meri Chahat Ko Apney Paon Ki Zanjeer Kr Dena