Chehra Uss Ka

Chehra Mera Tha Nigahain Uss Ki
Khamoshi Main Bhi Woh Batain Uss Ki

Mere Chehre Pe Ghazal Likhti Gaeen
Sher Kehti Hoee Ankhain Uss Ki

Shoukh Lamhoon Ka Pata Dene Lageen
Teez Hoti Hoee Sansain Uss Ki
 
Aise Mosam Bhi Guzare Hum Ne
Subhain Jub Apni Theen Shamain Uss Ki

Dhayan Main Uss K Yeh Alam Tha Kabhi
Aankh Mehtaab Ki Yadien Uss Ki

Rung Joanga Woh Aye Tu Sahi
Phool Tu Phool Hain Shakhain Uss Ki

Faisla Mooj-E-Hawa Ne Likha
Aandhiyaan Meri Baharain Uss Ki

Khud Bhi Khulti Na Ho Jis Ki Nazar
Janta Koun Zabainain Uss Ki

Neend Is Sooch Se Tooti Aksar
Kis Tarhan Kat Ti Hain Ratain Uss Ki
 
Dour Reh Ker Bhi Sada Rehti Hain
Mujh Ko Thame Hoye Banhain Uss Ki