December

December Maheeney Ka
Wo Shayad Aakhri Din Tha

Baras Guzray Kaii
Mein Ne Muhabbat Lafz Likha Tha

Kisi Kaaghaz Ke Tukray Par
Achaanak Yaad Aaya Hai

Baras Guzray Kaii Mujh Ko
Kisi Se Baat Karni Thi

Usay Kehna Tha Jaan-E-Jaan
Mujhe Tum Se Muhabbat Hai

Magar Mein Keh Nahi Paaya
Wo Kaghaz Aaj Tak

Lipta Para Hai Dhool Mein Lakin
Kisi Ko De Nahi Paaya

Dobaara Chah Kar Bhi Mein
Muhabbat Kar Nahi Paaya