December

December Jab Bhi Aata Hai
Wo Pagli Phr Se Beety Mausam Ko Yaad Karti
Purany Card Parhti Hai
K Jis Mein Uss Ne Likha Tha
Mein Lautonga December Mein
Nay Kapry Banati Hai
Wo Sara Ghar Sajati Hai
December K Har Ek Din Ko
Wo Gin Gin K Bitati Hai
Junhi 15 Guzarti Hai
Wo Kuch Kuch Toot Jati Hai
Magar Phir Bhi Apny Purany Albumon Ko
 Khol Kar Maazi Bulati Hai
Nahin Maloom Ussy Yeh Keh
Bitaye Waqt Ki Khushian Buhat Takleef Deti Hain
Mehaz Dil Ko Jalati Hain
Yunhi Din Beet Jaty Hain
December Loat Jata Hai
Magar Wo Khush Feham Larki
Dobara Se Calendar Mein
December K Maheeny K Safhy Ko Mor Kar Phir Se
December K Sehar Mein Doob Jati Hai
K Aakhir Uss Ne Likha Tha
Mein Lauton Ga December Mein