Dukh...>>>

Hazaron Dukh Paray Sehna Mohabbat Mar Nahin Sakti
Hai Tum Say Bus Yeh Hi Kehna Mohabbat Mar Nahin Sakti

Tera Har Baar Meray Khat Ko Parhna Aur Ro Dena
Mera Har Baar Yeh Hi Likh Dena Mohabbat Mar Nahi Sakti

Kia Tha Hum Ney Campus Ki Nadi Per Ik Haseen Waada
Bhalay Hum Ko Paray Marna Mohabbat Mar Nahin Sakti

Jahan Mai Jab Talak Panchi Chahektay Udtay Phirtay Hain
Hai Jab Tak Phool Ka Khilna Mohabbat Mar Nahin Sakti

Puranay Waadey Ko Jab Zinda Kernay Ka Khiyaal Ayay
Muyjhay Bas Itna Likh Dena Mohabbat Mar Nahin Sakti

Wo Tera Hijar Ki Shab Phone Rakhnay Say Zara Pehlay
Bohat Rotey Huay Kehna Muhabbat Mar Nahin Sakti

Puraanay Raabton Ko Phir Naey Waadon Ki Khwahish Hai
Zara Ik Baar To Kehna Mohabbat Mar Nahin Sakti

Gayay Lamhaat Wo Fursat K Kahan Say Dhoond Ker Laaoon
Wo Pehron Hathon Pai Likhna Mohabbat Mar Nahi Sakti.

Ager Hum Hasraton Ki Qabar Mai Hi Dafan Ho Jaain
To Yeh Kutbon Per Likh Dena Mohabbat Mar Nahin Sakti