Falak Se Noor Kay Rastay Mila Kay Chalte Hain

Falak Se Noor Kay Rastay Mila Kay Chalte Hain
Chalo Zameen Pe Sitaaray Bichhaa Kay Chalte Hain

Na Jaane Kab Kahaan Taarikiyaan Mitaani Hon
Ham Apne Haath Pe Sooraj Uthaa Kay Chalte Hain

Kuchh Aise Dil Main Teri Qurbaton Ki Khaahish Hay
Keh Tairay Saaye Main Saaya Chhupaa Kay Chalte Hain

Hat Aik Raah Milaa De Gi Daayere Ki Tarah
Ham Aik Doojay Ko Manzil Bnaa Kay Chalte Hain

Na Dhoond Paaye Koi Saahil-Emuhabbat Par
Nishaan Qadmon Kay Aise Mitaa Kay Chalte Hain

Tu Saath Hay Tau Bohat Mutma'in Hay Dil Apna
So! Mushkilon Main Bhi Ab Muskuraa Kay Chalte Hain

Palat Kay Jaana Kisi Taur Hi Nahin Mumkin
Tau Saahilon Pe Safinay Jalaa Kay Chlte Hain

Bohat Zyaada Unhain Ward Se Muhabbat Hay
Wo Khaar Se Kahaan Daaman Bachaa Kay Chalte Hain