Farz Karo

Farz Karo Hum Ehl-E-Wafa Hon
Farz Karo Deewane Hon
Farz Karo Ye Donon Batein Jhooti Hon Afsane Hon
Farz Karo Ye Jee Ki Bipta Jee Se Jor Sunayi Ho
Farz Karo Abhi Aur Ho Itni Aadhi Hum Ne Chupayi Ho
Farz Karo Tumhein Khush Karne Ke Dhoonde Hum Ne Bahane Hon
Farz Karo Ye Nain Tumhare Sach Much Ke Meykhane Hon
Farz Karo Ye Rog Ho Jhoota Jhooti Preet Hamari Ho
Farz Karo Is Preet Ke Rog Mein Saans Bhi Hum Par Bhari Ho
Farz Karo Ye Rog Sanjog Ka Hum Ne Dhong Rachaya Ho
Farz Karo Bas Ye Hi Haqeeqat Baki Sab Kuch Maya Ho