Faseelay Shehar Hai Galtaan

Faseelay Shehar Hai Galtaan Lahoo Mein
Aman Ki Kis Nay Mangi Thein Duayein
Sabz Patay Bhi Thar Thar Kaanptay Hein
Badal Kar Rukh Jo Chalti Hein Hawayein
Muharram Yaad Taza Kar Raha Hai
Yahan Mehfooz Kis Ki Hein Ridayein?
Sadayein Baykason Ki Ho Gayi Hein
Naqar Khanay Mein Toti Ki Sadayein
Har Ik Jishnay Tarab Mein Mubtala Hai
Koi Layta Yateemon Ki Duayein