Har Baar Parindon Ko Rihaai Na Diya kar

Har Baar Zakhm-E-Judaai Na Diya Kar
Agar Mera Nahi Tou Mujh Ko Dikhaai Na Diya Kar

Sach Jhoot Teri Aankho Se Ho Jata He Zahir
Qasmein Na Utha Itni Safaai Na Diya Kar

Maloom Hai Tu Rehta Hai Mujh Se Dur
Pass Aa K Muhabbat Ki Duhaai Na Diya Kar

Taufeeq Nahi Agar Tujh Ko Wada Nibhany Ki
Ouron Ko Bhi Tu Dars-E-Bhalaai Na Diya Kar

Urr Jayen Tau Phir Lout K Kab Aate Hein Parindy
Har Baar Parindon Ko Rihaai Na Diya Kar