Hum Apni Shaam Ko Jab Nazr-E-Jaam Karty Hain

Hum Apni Shaam Ko Jab Nazr-E-Jaam Karty Hain
Adab Sy Humko Sitaary Salaam Karty Hain

Galy Lagaaty Hain Dushman Ko Bhi Suroor Mein Ham
Bahut Bure Hain Magar Neyk Kaam Karte Hain

Sajayein Kyun Na Ise Ye Saraiy Hai Dil Ki
Yahan Haseen Musafir Qayaam Karte Hain

Hayaat Bech Den Thode Sy Pyar K Badly
Ye Karobaar Bhi Tery Ghulam Karty Hain

Hamein Tu Ek Nazar Sy Nawaaz Dy Saaqi
Ham Apne Hosh-O-Khirad Tery Naam Karty Hain

'Qateel' Kitny Sukhan Saaz Hain Ye Sannaty
Sukoot E Shab Mein Jo Hamse Kalaam Karte Hain