Hum Jo Muskaan Chehray Pay Sajaa K Phirtay Hain

Hum Jo Muskaan Chehray Pay Sajaa K Phirtay Hain
Yani Khud Mein Kai Dard Chupaa K Phirtay Hain

Andaaz Apna Yeh Bhi Nirala Nikla
Apna Nahi Ussay Apna Banaa K Phirtay Hain

Chaand Suraj Main Aur Badaltay Musam
Safar Be-Naam Uthaa K Phirtay Hain

Hum Khud Mein Ujrray Say Bikhray
Shehar Ik Bassaa K Phirtay Hain

Mill K Fursat Mein Samjhna Kabhi
Lab Pay Kiya Dua Sajaa K Phirtay Hain

Hum Sheharyar Thay Uss K Shehar Mein
Woh Jo Ajnabi Bataa K Phirtay Hain

Woh Taalib B Nahi Meri Wafaa Ka
Janay Kis Say Nibhaa K Phirtay Hain

Kahen Zabat Lazim Kahen Anaa Wajib
Warna Ashaq Kai Bahaa K Phirtay Hain

Ik Hum Hi Naa Samjh Pa'aye Fakat
Log Tu Har Ahad Bhoolaa K Phirtay Hain

Naa Pouch Mujh Say Meray Khasaaro'n Ka Hisaab
Hum Tu Khud Ko Lootaa K Phirtay Hain

Kitnay Tahi Dast Hain Woh Log Amber
Muhabat Jo Ganwaa K Phirtay Hain!!