Ik Pyaray Se Angan

Dil Kehta He Mujh Se Anjaan Nagar Ho
Ik Pyaray Se Angan Ka Ik Chota Sa Ghar Ho

Khwabon Ki Raani Ka Us Main Ho Basera
Misl E Aa'ina Ik Doojay Pe Nazar Ho

Chanda Sulanay Aye Shabnam Uthanay Aye
Koyal Ka Baghichay Se Her Roz Guzar Ho

Titliyan Satati Hon Din Main Jugnoowon Ko
Unkay Dilon K Raaz Ki Her Ik Ko Khaber Ho

Ankhon Main Ye Manzar Atay Hi Jayengay
Per Saath He Chalna Sehra Bhi Agar Ho

Phoolon Ki Anjuman Ho Ta'ron Ki Zia Ho
Ik Pyaray Se Angan Ka Ik Chota Sa Ghar Ho